ព្រះវិហារ៖ ករណីគ្រោះថ្នាក់ចរាចរណ៍មួយបានកើតឡើង រវាងរថយន្ត និងម៉ូតូធំ ធ្វើដំណើរស្របទិសគ្នាពី ជើងទៅ ត្បូង ប៉ះគ្នាបណ្ដាលឲ្យអ្នកបើកបរម៉ូតូធំ របួសធ្ងន់បញ្ជូនទៅសង្គ្រោះបន្ទាន់នៅមន្ទីរពេទ្យបង្អែក ១៦មករា ខេត្តព្រះវិហារ តែដោយអាការៈធ្ងន់ធ្ងរពេក ត្រូវបានក្រុមគ្រួសារស្នើសុំបញ្ជូនទៅមន្ទីរពេទ្យកាល់ម៉ែត តែដោយកម្មអកុសល ជនរងគ្រោះត្រូវបានស្លាប់បាត់បង់ជីវិតនៅសាលាវិស័យ ខេត្តកំពង់ធំ។ ករណីខាងលើនោះកើតឡើយនៅថ្ងៃទី០៩ ខែមីនា ឆ្នាំ២០២៥ វេលាម៉ោង ១៥:២០នាទី លើកំណាត់ផ្លូវជាតិលេខ៦២ ត្រង់ចន្លោះគីឡូលេខ ៥៤/៥៥ ស្ថិត នៅភូមិអូរពោធិ៍ ឃុំរមណីយ ស្រុករវៀង ខេត្តព្រះវិហារ។

សមត្ថកិច្ចនៅកន្លែងកើតហេតុបានឲ្យដឹងថា៖
មុនពេលកើតហេតុ គេឃើញរថយន្ដនិងម៉ូតូបើកស្របទិសគ្នា លុះមកដល់កន្លែងកើតហេតុ ត្រូវបានបុរសម្នាក់បានបើម៉ូតូម៉ាក CB ពណ៌ខ្មៅ ពាក់ស្លាកលេខ ភ្នំពេញ1TS-6133 បេីកបរដោយឈ្មោះ គង់ ប៊ុណ្ណារ៉ា ភេទ ប្រុស អាយុ ២៨ឆ្នាំ រស់នៅភូមិ រៀងត្បូង ឃុំ រុងរឿង ស្រុករវៀង ខេត្ត ព្រះវិហារ បើកបុកពីក្រោយ នៅពេលរថយន្ដ ម៉ាក ហ្វត ពណ៍សរ ពាក់ស្លាកលេខ ភ្នំពេញ 2AR-9447 បើកបរដោយឈ្មោះ អឿន ស៊ីថា ភេទប្រុស អាយុ ៥៧ ឆ្នាំ រស់នៅភូមិអូរពោធិ៍ ឃុំរមណីយ ស្រុករវៀង ខេត្តព្រះវិហារ មុខរបរ កសិករ បត់ចូលផ្ទះបានបណ្ដាលឲ្យអ្នកបើកបរម៉ូតូខាងលើ រងរបួសបែកក្បាលពីក្រោយធ្ងន់ធ្ងរ បានស្លាប់ បាត់បង់ជីវិត ក្រោយពេលនាំយកទៅសង្គ្រោះបន្ទាន់។ ចំណែកម្ចាស់រថយន្ដមិនរងរបួសអ្វីនោះទេ។

ក្រោយពីសមត្ថកិច្ចវាស់វែងរួចហើយនោះ វត្តុតាងខាងលើត្រូវបានយកមករក្សាទុកនៅអធិការនគបាលស្រុករវៀង រងចាំការដោះស្រាយតាមនិតិវិធីបន្ត ៕