ព្រះវិហារ៖ នៅរសៀលថ្ងៃទី១២ ខែកុម្ភៈ ឆ្នាំ២០២៥ លោក សុខ សាន និងក្រុមគ្រួសារសូមគោរពថ្លែងអំណរអរគុណដល់ ឯកឧត្តម គីម រិទ្ធី អភិបាលនៃគណៈអភិបាលខេត្តព្រះវិហារ និងលោក គឹម ចាន់បញ្ញា អភិបាលរងខេត្ត លោក កង សៅគុណ មេបញ្ជាការកងរាជអាវុធហត្ថខេត្ត លោក សុខ វាសនា ប្រធានមន្ទីរពេទ្យ១៦មករា លោក ហោ ប៊ុនហួរ អភិបាលស្រុករវៀង រួមនិងថ្នាក់ដឹកនាំមន្ត្រីរាជការ គណៈកម្មការ សព្វបុរសជននានាជាច្រើនជាច្រើនរូប ដែលបានផ្ដល់នូវថវិកា និងលើទឹកចិត្តដល់រូបលោកនិងក្រុមគ្រួសារដែលបានសម្រាក់ព្យាបាលនៅមន្ទីរពេទ្យបង្អែកខេត្ត ១៦មករា ខេត្តព្រះវិហារ ដែលមានជំងឺវះកាត់ពោះវៀនដុះខ្នែង។
លោក សុខ សាន ជាឆ្មាំការពារ ថែរក្សាក្នុងតំបន់ការពារធនធានធម្មជាតិសហគមន៍រំចេកជាំប្រិយ៍ បានឲ្យដឹងថា កាលពីយប់រំលងអាធ្រាតុឈានចូលថ្ងៃ០៧ ខែកុម្ភៈ ឆ្នាំ២០២៥ រូបលោកចុកពោះខ្លាំង បានមកសម្រាក់ព្យាបាលនៅមណ្ឌល់សុខភាពភ្នំដែក ដោយឃើញអាការៈធ្ងន់ធ្ងរ លោកប្រធានមណ្ឌល់បានបញ្ជូនរូបលោកតាមរយៈរថយន្ដសាមុយ មកព្យាបាលនៅមន្ទីរពេទ្យបង្អែក១៦មករាខេត្តព្រះវិហារ ដោយរូបលោកនិងក្រុមគ្រួសារមានថវិកាតែ១៥០០រៀលប៉ុណ្ណោះ។
លោកបានបន្តថា៖ ដោយមានការយកចិត្តទុកដាក់ពីលោក មាន សុវណ្ណារិទ្ធ ប្រធានសហគមន៍ បានមកសួរសុខទុកជាប្រចាំនិងស្វែករកជំនួយដើម្បីព្យាបាលរូបលោក ដោយមើលឃើញពីជីវភាពលំបាក់របស់លោក និងក៏ជាការទទួលខុសត្រូវរបស់លោកប្រធាន ដែលលោកប្រធានបានយកចិត្តទុក្ខដាក់មកលើរូបលោក ក៏ដូចក្រុមការផ្សេងៗទៀតនាពេលកន្លងមកនេះផងដែរ។
សូមបញ្ជាក់ផងដែលថា៖ លោក សុខ សាន ក្នុងពេលសម្រាក់ព្យាបាលក្នុងមន្ទីរពេទ្យបង្អែក១៦មករា ដោយមានការ គិតគូរ យកចិត្តទុកដាក់ពីសំណាក់ ឯកឧត្តម គីម រិទ្ធី បានចាត់តំណាងរបស់ឯកឧត្តម និងបានពាំនាំប្រសាសន៍ឯកឧត្តម ក្នុងការសួរសុខទុក ផ្ដាំផ្ញើរូបលោកឲ្យត្រូវគោរពតាមវេជ្ជបញ្ជា របស់គ្រូពេទ្យ និងនាំយកថវិកា ចំនួន៥០ម៉ឺនរៀល ព្រមទាំងចេញថ្លៃសេវាសម្រាក់ព្យាបាលនៅក្នុងមន្ទីរពេទ្យចំនួន ១លានរៀលបន្ថែម សរុប១.៥០០.០០០រៀល និងបានផ្ដាំផ្ញើរដល់ប្រធានមន្ទីរពេទ្យ អំឡុងសម្រាក់ព្យាបាលនាឱកាសនោះ។
នាឱកាសនោះដែរ ពេលដែលអ្នកជំងឺខាងលើមកដល់មន្ទីរពេទ្យភ្លាមនោះលោក ឧត្តមសេនីយ៍ត្រី កង សៅគុណ បានឲ្យពេទ្យអង្គភាពអាវុធហត្ថខេត្តចុះសួរសុខទុក្ខ រហូតទាន់តែវះកាត់រួចរាល់ដោយជោគជ័យទើបលោកត្រឡប់ទៅវិញ និងនាំយកថវិកា ២០ម៉ឺនរៀលប្រគល់ជូនគ្រួសារអ្នកជំងឺផងដែរ។
ថវិកាដែលទទួលបានពីថ្នាក់ដឹកនិងសព្វបុរសនានារួមមាន
១.លោក គឹម ចាន់បញ្ញា អភិបាលរងខេត្តព្រះវិហារ ឧបត្ថមថវិកា ១០ម៉ឺនរៀល
២.លោក មាស ញឹម អនុប្រធានមន្ទីរបរិស្ថានខេត្តព្រះវិហារ បានឧបត្ថមថវិកា ៨ម៉ឺនរៀល។
៣.លោក ហោ ប៊ុនហួរ អភិបាលស្រុករវៀង ឧបត្ថមថវិកា ១០ម៉ឺនរៀល។
៤.លោក ឃុត រី ប្រធានក្រុមប្រឹក្សាឃុំរមណីយ ឧបត្ថមថវិកា ២០ម៉ឺនរៀល។
៥.លោក វរសេនីយ៍ឯក អល់ ប្រុស និងលោកស្រី ណាក់ ណារីន ឧបត្ថមថវិកា ១០ម៉ឺនរៀល។
៦.លោក មាន រតនា និងលោកស្រី ភីម សោភា ឧបត្ថមថវិកា ១០ម៉ឺនរៀល។
៧.លោក ដារ៉ា នាយករដ្ឋបាលសុវណ្ណភូមិ បានឧបត្ថមថវិកា ៨ម៉ឺនរៀល។
៨.លោក វរសេនីយ៍ត្រី ហម ផេន មេប៉ុស្ដិ៍រមណីយ ឧបត្ថមថវិកា ៤ម៉ឺនរៀល។
៩.លោក រ៉ា ណារ៉េន ឧបត្ថមថវិកា ២ម៉ឺនរៀល។
១០.លោក ហុង លី ឧបត្ថមថវិកា ៣ម៉ឺនរៀល។
១១.លោក ខឿន សារី ឧបត្ថមថវិកា ២ម៉ឺនរៀល។
១៣.លោកស្រី សឿង បូរ៉ូ ត្រូវជាភរិយាលោក មាន សុវណ្ណារិទ្ធបាននាំយកថវិការ ២៩ម៉ឺនរៀលប្រគល់ជូនលោក សុខ សាន។
១៣.ក្រុមការងារអ្នកសារព័ត៌មានក្នុងខេត្តព្រះវិហារ ដឹកនាំដោយលោក ណែម រ៉ាស៊ី ចុះសួរសុខទុក្ខ និងបាននាំយកថវិការសរុប ២០ម៉ឺនរៀល ប្រគល់ជូនលោក សុខ សាន ផងដែរ។
យើងខ្ញុំជាគណកម្មការសហគមន៍តំបន់ទេសចរណ៍ការពារធម្មជាតិបឹងជាំប្រិយ៍ សូមប្រសិទ្ធិពរជ័យ បួងសួងដល់វត្ថុស័ក្ដិសិទ្ធិក្នុងលោកតាមថែរក្សា ឃុំគ្រង ឯកឧត្តម លោកជំទាវ លោក លោកស្រី សព្វបុរសជននានាដែលបានចូលរួមចំណែកលើកទឹកចិត្ត និងផ្ដល់ថវិការក្នុងការសម្រាក់ព្យាបាលលោក សុខ សាន សូមឲ្យមាន សុខភាពមាំមួន សម្រេចបានជោគជ័យគ្រប់ភារកិច្ច សូមទទួលនៅការគោរពអំពីយើងខ្ញុំ សូមអរគុណ ៕
