ព្រះវិហារ៖ នៅព្រឹកថ្ងៃទី១១ ខែមីនា ឆ្នាំ២០២៥ នៅទីបញ្ជាការដ្ឋានកងរាជអាវុធហត្ថខេត្តព្រះវិហារ បានប្រារព្ធពិធីប្រកាសតែងតាំង ផ្ទេរមុខតំណែងយោធិននៃកងរាជអាវុធហត្ថខេត្តព្រះវិហារ
ក្រោមវត្តមានលោកឧត្តមសេនីយ៍ត្រីយ៍ កង សៅគុណ មេបញ្ជាដ្ឋានកងរាជអាវុធហត្ថខេត្តព្រះវិហារ និងមានការចូលរួមពីមេបញ្ជាការង នាយ នាយរងជាច្រើនរូបផងដែរ។
ឧត្តមសេនីយ៍ត្រីយ៍ កង សៅគុណ បានថ្លែងនាឱកាសនោះថា អាវុធហត្ថ គឺជាកម្លាំងស្នូលមួយដ៏សំខាន់ក្នុងការទទួលរ៉ាប់រងលើកិច្ចការពារបូរណភាពទឹកដី អធិបតេយ្យភាពជាតិ ការងារថែរក្សាសន្តិសុខ សណ្តាប់ធ្នាប់ ការងារ ទប់ស្កាត់បង្ក្រាបបទល្មើសនានាដែលកើតមាន ។
លោកបានបន្តទៀតថា៖ កងកម្លាំងប្រដាប់អាវុធ ទាំងអស់ គឺជាកម្លាំងដ៏រឹងមាំក្នុងការជួយសង្គ្រោះ គ្រោះមហន្តរាយ និង គ្រោះអាសន្នផ្សេងៗ និងចូលរួមជួយការងារអភិវឌ្ឍសង្គមជាតិ ប្រកបដោយចេរភាព និងមានទំនុកចិត្តពីប្រជាពលរដ្ឋផងដែរ ៕
